ISPM dans la presse

Article paru dans Jejoo le 04/07/2018 par Patty

Betsaka ireo tanora Malagasy mpianatra eto amintsika no mahavita zavatra tsy ampoizina. Ankoatra ireo tovolahy izay heverina fa tena mahita izany, dia manana ny maha-izy azy ihany koa ny tovovavy, toy ny hita sy nampirantiana teny Antsobolo omaly. Isan’izany ny voka-pikarohana nataon’i Narindra sy Narihasina, samy ao amin’ny taona fahadimy, manovo fahalalana eo anivon’ny sekoly ambony ISPM. Fanamboarana “robot” mitendry karazan-java-maneno azo andihizana no nataon’izy ireo tamin’izany, narafitra sy nanaovana fikarohana nandritra ny efa-bolana. Tanjon’izy mirahavavy sy ireo ekipany ny hahafahana mampiaraka ny mozika sy ny teknolojia avo lenta, ka tsy ilana olona intsony ny manao azy rehefa misy vanim-potoana lehibe atrehina, toy ny mariazy, ny famofona…Saika variana avokoa ny rehetra nijery ity voka- pikarohana iray ity. Nampiavaka azy mirahavavy kely ireto ny nitadiavany an’ireo karazana piesy madinika nanamboarana izany, teny ambodin’Isotry, araka ny fanazavan’izy ireo. Tsy vitan’ny olona tsy manam-pikirizana izany. Hitohy hatram’ny sabotsy izao ny fampahafantaran’izy ireo izao voka-pikarohany izao.

Patty