ISPM in the press & media

Article published in TIA TANINDRAZANA on 15/07/2015

Voka-pikarohan'ny mpianatry ny ISPM

Toy ny fanao isan-taona dia nisokatra omaly ny varavarana misokatra karakarain'ny sekoly ambony Institut Supérieur Polytechnique de Madagascar eny Antsobolo. Voka-pikarohana manodidina ny 360 isa no haranto amin'izany, andraisan'ireo mpianatra ao amin'ny kilasy voloany ka hatramin'ny fahadimy anjara mandritra ny dimy andro, misandrahaka amin'ny lalam-piaofanana miisa 12. Maimaimpoana ny fidirana amin'izany, hetsika entina anasongadinana ny ezaka vitan'ny mpianatra nandritra ny taom-pianarana iray no sady hanazarana azy ireo sahady amin'ny fikarohana eo amin'ny sehatry ny asa ihany koa na koa famoronana asa ho an'ny tenany manokana mihitsy. Zava-baovao marobe no hita amin'izany fa tena misongadina ny fikaomandina "Robot" iray amin'ny alalan'ny finday Android, eo ihany koa ny fanodinana ny raketa hanjary ho divay, ny raozy hanjary ko kaonfitira... Raha araka ny fanazavan'i Raboanary Lala, tompon'andraikitra ao amin'ity sekoly ambony iray ity moa dia efa nisy tamin'ireo mpianatra mihitsy no afaka nanangana orinasa ho an'ny tenany vokatr'izany fikarohana nataony izany.